Бүгүн олус астык күрэх буолан ааста! Кыттыбыт дьоҥҥо барҕа махтал!😊🙏🏻 Тыҥааһыннаах киирсии түмүгүнэн 1 миэстэни ылла Алексей Андреевич Бурцев, 2 миэстэҕэ таҕыста Михаил Фёдорович Габышев, 3 миэстэни ылла бэтэрээн Валерий Васильевич Деляев! Уонна чүөчэлэртэн соҕотох ытыыга кэлэн кыттыыны ылан, үчүгэй көрдөрүүнү көрдөрөн Изольда Васильевна биһирэбил ылла!🥳 Күрэхпитигэр күүс-көмө буолбут Келин Николай Николаевичка улахан махтал! Барыгытыгар …
Олунньу 17 күнүгэр, үлэ сылын арыйар «Үлэ киһини киэргэтэр» диэн эҕэрдэ кэнсиэрин тэрийдибит. Сэбиэскэй сойуус саҕанааҕы теманы таарыйан, нүөмэрдэрбит барыта онно сыһыаннаах буоллулар. Кэнсиэрбит саҕаланыытыгар, Томпо оройуонун депутата, Алексей Алексеевич Павлов Сэбиэскэй сойуус саҕанааҕы үлэһит дьону, туох үлэ барбытын кэпсээн сырдатта. Ол кэннэ үҥкүүлэрбитинэн, ырыаларбытынан, көрдөөх сыанкаларбытынан эҕэрдэ кэнсиэрбитин ыыттыбыт!
Олунньу 14 күнүгэр «Сэбэтиэй Балантыын» күнүн бэлиэтээтибит. Эдэр уонна саастаах ыалларга тургутук боппуруостары ыйытан «Эн уонна Мин» диэн оонньууну оонньоттубут. Төһө үчүгэйдик тапталлаахтар бэйэ-бэйэлэрин билэллэрин көрдүбүт, билбэтэхтэрин билэн бардылар. Эдэр ыаллартан Мария уонна Валентин Габышевтар кэлэн кыттыыны ыллылар, орто саастаах ыаллартан Татьтяна уонна Василий Гоголевтар, саастаах ыаллартан Светлана уонна Иннокентий Деляевтар көхтөөх кыттыыны ыллылар!