Томпо улууһун Ударник нэһилиэгэр Улуу Кыайыы 81 сылыгар аналлаах ытык дьоммутун кэриэстиир Бүтүн Арассыыйатааҕы “Өйдөбүнньүк чүмэчитэ” аахсыйа ыам ыйын 8 күнүгэр эйэлээх халлаан анныгар олорор олохпутун түстээбит ытык дьоммутугар сүгүрүйүү күнэ буолла. “Өйдөбүнньүк чүмэчитэ” аахсыйа Саха сиригэр 2009 сылтан ыытыллар. Сыллата уонтан тахса тыһыынча киһи чугас дьонун, аймаҕын, биир дойдулааҕын туһугар чүмэчи уурар.
Ыам ыйын 9 күнэ Улуу Кыайыы 81 сылын көрсө «Өлбөт үйэлээх полк» былаах, саарык киэргэллээх сэлэлии хаамсыы колоннатыгар, Улуу Кыайыыны уһансыбыт дьоммутун ахтан-санаан, хорсун быһыыларыгар сүгүрүйэн Үөгэн нэһилиэгин тэрилтэлэрэ, нэһилиэк олохтоохторо анаммыт тэрээһиҥҥэ көхтөөхтүк кытыннылар. Ол кэми кэрэһэлиир, Улуу Кыайыыны уруйдуур-айхаллыыр биһиги көлүөнэ дьон ытык иэспит буолар. Бу ытык күн хас биирдии киһиэхэ сырдык өйдөбүлү, кэриэстэбили ытыктабылы саҕар. Салҕыы оскуола үөрэнээччилэрин монтаж толоруутугар “Иннокентий Артамонов Бэс ыйын 21 күнэ 1941сыл”.,“Кыайыы күнүн көрсө”, Чаҕылхан тыллара «Хайыһар», “Мир без войны”ырыалара, Сандалыма уһуйаан иитээччилэрэ аан дойду үрдүнэн ылланар «Катюша»ырыаны, эдэр ыччаттар «Кыайыы кыната» үнкүүлэрэ дохсун ытыс тыаһынан доҕуһуолланна.Улуу кыайыы 81 сылыгар аналлаах үөрүүлээх миитиҥҥэ олохторун толук уурбут буойун саллааттарга сүгүрүйэн мүнүүтэлээх тохтобул уонна сибэкки дьөрбөтүн ууруута буолла. Сэрии сылларын о5олоругар сэмэй бэлэхтэр туттарылыннылар. Тэрээһин кэмигэр Үөгэн сынньалан киинин көҕүлээһининэн «Саллаат хааһытынан» күндүлээтилэр..Саллаат хааһыта — бу көннөрү ас буолбатах. Бу сэрии ыарахан сылларыгар төрөөбүт дойдуларын көмүскээбит саллааттар тулуурдаах, бырааттыы өйдөрүн-санааларын бэлиэтэ.
Биһиги дойдубут хас биирдии олохтооҕор дириҥ өйдөбүллээх ытык күн…
Үйэлэргэ махтал буоллун эһиэхэ, Эйэни аҕалбыт дьоҥҥо!
