Сэтинньи 22 күнүгэр Байаҕантай нэһилиэгэр онус төгүлүн «Байаҕантай » Норуот айымньытын киинин диоиэктэрэ Альбина Баланова бырайыагынан үтүө үгэскэ кубулуйбут, эдэр специалистары түмэр,дьонҥо сэргэҕэ билиһиннэрэр соруктаах Сахабыт сирин сахабыт сирин араас муннуктарыттан үлэлии кэлбит кэрэ кыттыылаахтарбытын Байаҕантай нэһилиэгин олохтоохторо уонна ыалдьыттара дохсун ытыс тыаһынан уруйдуу — айхаллыы көрүстүлэр.
1.»Байа5антай» Норуот айымньытын киинин «Эллээйик»о5о народнай фольклорнай коллективын уус — уран салайааччыта Татьяна Бугуева.
2.Кириэс-Халдьаайытаа5ы участковай балыыһа терапевт — бырааһа Анастасия Захарова.
3.Л.И.Мекюрдянов аатынан оҕо икусствотын оскуолатын театральнай кылааһын учуутала Ай Алтыына Талас Кыыһа.
4.Үөгэн сүрүн оскуолатын омук тылын учуутала Сахаяна Аргунова.
5. Кириэс Халдьаайы учаастактааҕы ветеринария специалиһа Анна Уваровская.
6. Л. И. Мекюрдянов аатынан оҕо искусствотын оскуолатын Арыы Толооннооҕу филиалын фольклор кылааһын учуутала Таисия Андреева.
Күрэх биэс түһүмэхтээх этэ, ол курдук бастакы түһүмэх: «Визитка», манна кыттааччылар кимтэн кииннээхтэрин, хантан хааннаахтаахтарын билиһиннэрдилэр.
2 түһүмэх: Айар талааннарын көрүү.
3түһүмэх:»Тапталлаах Томпом сирэ!» диэн викторина.
4түһүмэх: «Мин идэм» түһүмэх, талан ылбыт идэтин хайдах, тоҕо талбытын инсценировканан, этюдунан, пантомиманан уонна да атыннык көрдөрүөхтэрин сөп, быһаччы эттэххэ, ханнык баҕарар сөбүлүүр жанрдарынан.
5түһүмэх: Киэһээҥҥи былаачыйанан тахсыы:
Күрэх түмүгүнэн 1 миэстэни ылан Үөгэн сүрүн оскуолатын английскай тылын учуутала Сахаяна Аргунова депутаттар туруорбут өҥнөөх телевизордарын хаһаайкатынан уонна Томпо оройуонун үөрэҕин үлэһиттэрин профсоюзнай тэрилтэтэ (бэрэссэдээтэл Е. К. Винокурова) туруорбут 5 т. сертификатын хаһаайкатынан буолла.
2 миэстэни Кириэс Халдьаайы учаастактааҕы балыыһатын терапевт-бырааһа Анастасия Захарова ылан «Тирэх» маҕаһыын салайааччы С. С. Атакова туруорбут ас астыыр оһоҕу тутта.
3 миэстэни Л. Мекюрдянов аатынан оҕо искусствотын оскуолатын театральнай кылааһын учуутала Ай Алтыына Талас Кыыһа ылан «Аргыс» маҕаһыын салайааччы П. М. Яковлева пылесоһун бэлэх тутта.
«Байаҕантай» Норуот айымньытын киинэ фольклорга уус-уран салайааччытыгар Татьяна Бугуеваҕа оройуон Сэбиэтин депутата Г. П. Канашова туруорбут чорооно, оройуон туруорбут профессиональнай фена туттарылынна. Л. Мекюрдянов аатынан оҕо искусствотын оскуолатын Арыы Толооннооҕу филиалын фольклор кылааһын учуутала Таисия Андрееваҕа «Барҕа» маҕаһыын салайааччыта М. П. Жегусова электрическэй чайник, профессиональнай фен тутта. Кириэс Халдьаайы участковай ветеринария специалиһа Анна Уваровская «Талба» маҕаһыынтан (М. М. Стручкова) плед уонна профессиональнай фен хаһаайката буолла. Бу күн күндү көрөөччүлэрбит бэйэлэрин куоластарын биэрэннэр, «Мин идэм -2025» күрэх «Көрөөччү биһирэбилэ» диэн анал аат Анна Уваровскаяҕа иҥэрилиннэ уонна «Эгэлгэ» маҕаһыынын хаһаайката Мария Петровна Попова туруорбут 10 тыһ. солкуобайы тутта.Күрэҕи иилээн-саҕалаан солбуллубат ыытааччылар Надежда Жегусова, Ариан Атастыров үрдүк таһымҥа ыыттылар. Күрэҕи аныгы технологиянан туһанан бэлэмнээтэ Мария Попова. Өссө төгүл бары кыттааччыларбытыгар талан ылбыт идэлэригэр ситиһиилээх, тахсыылаах үлэни баҕарабыт!
