Ыам ыйын 8 күнүгэр, Улуу кыайыы 80 сылын көрсө, Үөгэн култууратын киинигэр «Уруйдан кыайыы күнэ!» нэһилиэк олохтоохторун хорунан «Тыыннаахтар умнубат сыллара» ырыанан бырааһынньыктааҕы тэрээһиммит саҕаланна ,сылаас чэйдээх остуолга аҕам саастаахтар ыҥырыллан Кыайыы 80 сылыгар анаан «Подвигом славные наши земляки» диэн эдэр чинчийээччилэр үлэлэрин, эҕэрдэ нүөмэрдэри иһиттилэр ,сэрии кэмин оҕолоро,тыыл бэтэрээннэрэ юбилейнай мэтээллэринэн, тэрилтэлэр подароктарын, оройуон администрациятын харчынан выплаталарын туттулар. Салҕыы эһэлэрбитин,аҕаларбытын,убайдарбытын кэриэстээн «Өйдөбүнньүк чүмэчитэ» акция Кыайыы пааматынньыгар буолла. Ыам ыйын 9 күнүгэр Улуу кыайыы 80 сылыгар аналлаах үбүлүөйдээх парад Үөгэн нэһилиэгэр буолан ааста.Үбүлүөйдээх парадка нэһилиэнньэ, оскуола, уһуйаан оҕолоро «Өлбөт сүппэт полк» сэлэлээн хааман кыайыы пааматынньыгар тиийбиппит. Сэрии толоонугар охтубут буойуттарга сүгүрүйэн, махтанан туран гвоздика сибэкки дьөрбөтүн тыыл,үлэ бэтэрээннэрэ уурдулар. Аҕа дойду улуу сэриитигэр Үөгэн нэһилиэгиттэн 47 киһи ыҥырыллан барбыта,26 киһи кыргыһыы толоонугар охтубута. Сэриигэ уонна үлэ фронугар ыҥырыллыбыт дьоннортон 19 киһи сэрииттэн эргиллэн кэлэн эйэлээх олоҕу тутуспута.Күн бүгүн нэһилиэкпитигэр сут — кураан диэн тугун билбит тыыл бэтэрээннэрэ 2 сэрии кэмин оҕолоро биһигини кытта кыайыы 80 сылын көрүстүлэр.Бу күн сааскы аламай күммүт сылаастык тыган олус да үчүгэй күн үүннэ, кыайыы пааматынньыгар эҕэрдэ,махтал тыллар,этилиннилэр,оскуола оҕолорун,улахан дьон Кыайыы күнүгэр анаммыт хоһооннор,ырыалар дьиэрэйдилэр, саллаат хааһытын амсайдылар.»Кыайыыга анаан» күрэхтэр “Кыайыы түннүгэ” акция күрэххэ Дияна Бурцева 1 миэстэ, Бурцева В.А.2миэстэ, Габышева М.С.3 миэстэ. “Күрүө таһын киэргэтиигэ” Гоголев В.В.дьиэ кэргэн 1 миэстэ, Бурцевтар 2миэстэ,Павловтар 3 миэстэ, техника киэргэтиитигэр Гоголев В.В. күрэххэ кыттыбыттар Дипломунан,Грамотанан уонна сыаналаах бириистэринэн наҕараадаланнылар.Сэрии хонуутугар охтубут,кыайыыны уһансыбыт буойуннарга,үйэлэргэ Албан аат!Өйдүүбүт,Сүгүрүйэбит,Махтанабыт!
