Арассыыйаҕа Аҕа дойдуну көмүскээччи сылынан олунньу 21 күнүгэр Кириэс — Халдьаайы «Байаҕантай» норуот айымньытын киинигэр Аҕа дойдуну көмүскээччилэр күннэригэр анаан «Аҕа уолунаан» тэрилтэлэр икки ардыларыгар ыытыллыбыт күрэххэ барыта 5 аҕа уолунаан кытынна. Биһиги нэһилиэкпититтэн Слепцов Иосиф Иосифович уолунаан Артемнуун ситиһиилээхтик кыттан 1 миэстэ буолан, бириис телевизор ыллылар.
1 түһүмэххэ кыттааччылар байыаннай ырыанан строевой хааман киирдилэр.
2 түһүмэх байыаннай ырыалары таайыы, манна Иосиф 2миэстэ
3түһүмэх «Көрдөөх эстафета» аҕалар самолет оҥорон биэрдилэр, оҕолор көтүттүлэр.
Артем самолета саамай ыраахха көтөн 1миэстэ
Галстук — баайыыта -аҕалар оҕолоругар галстуктары баайдылар 16,66 сөк.баайан 1миэстэ
Снайпер — Аҕа кэннинэн туран мээчик быраҕарын уол биир да мээчиги сиргэ түһэрбэккэ 1миэстэ Эттээх бэрэскини сиэһин — Артем аҕатыттан хаалсыбакка бэрт түргэнник сиэннэр 1мүн 12,24 сөк көрдөрөн 2миэстэ
Дарст быраҕыытыгар — 48очко ылан 3 бириистээх миэстэ буоллулар.
Калашников автоматы ыһыы-хомуйуу түһүмэххэ Иосиф 31,63 сөкүүндэнэн хомуйан тэҥнээҕин булбата.
Түмүккэ бэрт сэргэх, тыҥааһыннаах киирсиилэр түмүктэринэн Иосиф уолунаан Артемнуун 1 миэстэни ылан телевизор бириис, Аргыс, Учур, Байанай маҕаһыынтан сертификат туттулар. Нэһилиэкпит чиэһин көмүскээбит Слепцовтар дьиэ кэргэттэригэр өссө да ситиһиилэр кэлэ турдуннар.
