Ахсынньы 31 күнүгэр Саргылаах саҥа дьыл алыптаах киэһэтэ буолан ааста. Үөгэн олохтоохторо кыттыылаах аатырбыт «Морозко» нуучча остуоруйатын көрдөрүү буолла.Ол кэннэ бырааһынньыктааҕы эҕэрдэ ырыаларын бэлэх ууннулар Антонина,Ярослав Бурцевтар, Июля Павлова,Василий Гоголев дуэттарын,Иванна Сергеева ырыатын,Виолетта Слепцова,Нюргуйаана Келина имигэс хамсаныылаах үнкүүлэрин, Виктория Сергеева дьүрүскэн дорҕооннордоох хомуска оонньоон лынкынатта.Саҥа дьыл буоларын курдук Тымныы Моруос оҕонньор,сиэн кыыс Хаарчаана,саҥа дьыл уолчаан нэһилиэк олохтоохторун,ыалдьыттарын Үүммүт саҥа сылынан эҕэрдэлээтилэр.Тымныы Моруос оҕонньор оҕолорго саҥа дьыллааҕы подароктарын туттарда.Улахан дьон,оҕолор маскараад күрэҕэр кытыннылар. «Харыйа үтүөтэ» акцияҕа Саввина Л.Н.,Гоголева Т.Н.,Еремеева Ф.И.,Слепцова Л.Г.,Кривошапкина Е.П. туттарбыт подароктарын элбэх оҕолоох Ийэлэргэ Габышева М.О.,Охлопкова А.М.,Алексеева О.Г.,уонна СВОкыттыллааҕын кэргэнигэр Потапова Е.И. туттарылынна. Түмүккэ «Саҥа дьыл тыына тэлгэһэбэр» дьиэ таһын киэргэтии күрэххэ, маскараад күрэҕэр уонна нэһилиэк култуурнай олоҕор өрүү көхтөөхтүк кыттар сыл бастын актыбыыстарыгар, сынньалаҥ киин аатыттан махтал суруктар,сэмэй бэлэхтэр туттарылыннылар. Күндү нэһилиэк олохтоохторугар,ыалдьыттарыгар Үүнэр сылга, санааҕыт хоту олоххут табыллан иһиэхтин! Доруобуйаҕыт тубустар,тупсан иһиэхтин!Чугас дьонҥут үөрүүтүнэн дьолгутун өссө толорон биэриҥ! — диэн алгыс тылынан Саҥа дьыллааҕы биэчэрбит түмүктэннэ.
