Дьиэ кэргэн күнүнэн бука барыгытын эҕэрдэлиибит, Арассыыйа үрдүнэн дьиэ кэргэн, таптал уонна бэриниилээх буолуу күнэ бэлиэтэнэр. Үөгэн киинин дьиэтэ Дьиэ кэргэн күнүгэр аналлаах «Өркөн өй» оонньууну ыытта. оонньууга Мария Олеговна,Валентин Владимирович Габышевтар, Антонина Павловна, Алексей Андреевич Бурцевтар дьиэ кэргэттэрэ көхтөөх кыттыыны ыллылар.
Хас биирдии киһи бу күн сиригэр төрөөн-үөскээн, ыал буолан, аал уоту оттунар, оҕо төрөтөн кэскилин кэҥэтэр, кэнчээри ыччатын хаалларар аналлаах. Дьиэ кэргэнтэн биһиги сиэрдээх буолууну, бэйэ-бэйэҕэ ытыктабылы уонна тапталы, олоххо үөрүйэҕи уонна сатабылы иҥэринэбит. Дьиэ кэргэн күнүнэн бука барыгытын эҕэрдэлиибит, дьиэҕит иһин ил-эйэ эргийэ көттүн, тула өттүгүтүгэр чөл олох төлкөлөннүн, алаһа дьиэҕит аламай күнүнэн сандаардын! Чэгиэн-чэбдик, дьоллоох-соргулаах, ситиһиилээх буолуҥ!
Ыам ыйын 15 күнэ.2022с.
Ыам ыйын 15 күнэ.2022с.